Վատիկանեան Տեղեկութիւններ` ''Աստուածաբանական միջազգային յանձնախումբի լիագումար նիստը''
եւ ''Կարտինալական Խորհուրդի Բ Ժողով''։
2 - 6 դեկտեմբեր Վատիկանի մէջ տեղի կ՛ունենայ ''Աստուածաբանական միջազգային յանձնախումբի
լիագումար նիստը'' նախագահութեամբ գերապայածառ Կէրարտ Լուտվիկ Միւլլէրի, որ վերոյիշեալ
յանձնախումբի նախագահն է։ Նիստերու ընթացքին պիտի քննարկուին` Միաստուածութեան հարցը,
Եկեղեցւոյ ընկերային վարդապետութիւնը Քրիստոնեայ վարդապետութեան լոյսին տակ եւ ''Հաւատքի
ապրումի'' հարցը։ Նիստերու աւարտին ժողովականները հանդիպում պիտի ունենան Ֆրանչիսկոս
Քահանայապետին հետ։
Իսկ 3- 5 դեկտեմբեր Վատիկանի մէջ տեղի կ՛ունենայ Կարտինալական
Խորհուրդի երկրորդ ժողովը որուն առաջին նիստը գումարուած էր անցեալ հոկտեմբերին։ Վերոյիշեալ
խորհուրդը նշանակուած է Քահանայապետին կողմէն որպէս իրեն յանձնուած Եկեղեցւոյ Կառավարումին
եւ Հռոմի Գուրիայի վերանորոգումին խորհրդակցական մարմին։ Հաւանական է որ երրորդ ժողովը
գումարուի 2014-ի Փետրուարին։